କିଛି ଶବ୍ଦ
ତମ ପାଇଁ ଗୋ ସଖୀ
-------------*****----------------
କେବଳ ଶବ୍ଦ ନୁହେ ଇଏ
ଲେଖନୀ ମୋ ତମ ପ୍ରତି ପ୍ରୀତି ,
ମୋ ମନୁ ଝରୁ ଥିବା ପ୍ରତି ଲେଖାରେ
ରହିଥାଏ ମୋ ପ୍ରିୟାର ଉପସ୍ଥିତି ।
ତମ ପାଇଁ ଗୋ ରାଜନନ୍ଦିନୀ
ଗଢିପାରିବିନି ଚନ୍ଦ୍ରରେ ନଅର,
ହେଲେ ରଖିବି ତମକୁ ଖୁସିରେ
ବାଡିରେ କରି କୁଡିଆ ମଚା ଘର ।
ଦେଇପାରିବିନି ନିଃସ୍ଵ ମୁଁ ଯେ
ସ୍ବର୍ଣ୍ଣ ଥାଳିରେ ତମକୁ ଆହାର,
ଶିଆଳି ଅବା କଦଳୀ ପତ୍ରରେ ବାଢିବା
କେତେ ସୁସ୍ବାଦୁ ଲାଗିବ ଖାଦ୍ଯ ଆମର ।
ବୁଲେଇ ପାରିବିନି ଚାଷୀ ପୁଅ ମୁଁ ଯେ
ଚଢି ଘୁଟୁ ଘୁଟୁ ବୁଲେଟ ମଟର,
ସାଇକଳରେ ସରାଗେ ବୁଲିବା
ଦୁହିଁଙ୍କୁ ଲାଗିବ କେଡେ ସୁନ୍ଦର ।
ଅନ୍ଧ ବିଶ୍ବାସ ଆଉ ପୂଜା ବ୍ରତ ଛାଡି
କର୍ତ୍ତବ୍ୟ ରେ ଆମେ ରହିବା ମଜ୍ଜି,
ପରିବେଶ ପ୍ରତି ସଜାଗ ହେଇ
ଆନନ୍ଦେ କାଟିବା ଦିନ ପ୍ରକୃତିକୁ ପୂଜି ।
© ବିଷ୍ଣୁ ନାରାୟଣ ମହାନନ୍ଦ